راولپنڈی: شادی شدہ خاتون کے اغواء اور جنسی زیادتی کے مقدمے میں مطلوب اشتہاری گرفتار

راولپنڈی: تھانہ مندرہ پولیس نے کارروائی کرتے ہوئے شادی شدہ خاتون کے اغواء اور زیادتی کے مقدمے میں مطلوب اشتہاری کو گرفتار کر لیا۔

پولیس کے مطابق زیر حراست اشتہاری نے اپنے دیگر ساتھیوں کے ہمراہ خاتون کو اغواء کر کے زیادتی کی تھی اور وہ مئی 2025 سے پولیس کو مطلوب تھا۔

ایس پی صدر انعم شیر نے بتایا کہ مندرہ پولیس نے ٹیکنیکل اور ہیومن انٹیلیجنس ذرائع استعمال کرتے ہوئے ملزم کو گرفتار کیا، جبکہ اس کا ایک ساتھی پہلے ہی حراست میں ہے۔

گرفتار اشتہاری کو ٹھوس شواہد کے ساتھ عدالت میں پیش کیا جائے گا۔