ساہیوال کے رانا عرفان اے ایس آئی کے عہدے پر ترقی پا گئے، اہلِ علاقہ کی مبارکباد

سرگودھا کے قصبہ ساہیوال کے لیے اعزاز رانا عرفان ASI کے عہدے پر ترقی پا گئے، اہلِ علاقہ اور عزیز و اقارب کی جانب سے مبارکبادوں کا سلسلہ جاری

سرگودھا (رپورٹ: رانا رضوان احمد) سرگودھا کی معروف تحصیل ساہیوال سے تعلق رکھنے والے رانا عرفان محکمہ پولیس میں ترقی پا کر اسسٹنٹ سب انسپکٹر کے عہدے پر فائز ہو گئے۔ ان کی ترقی کی خبر پر اہلِ علاقہ، عزیز و اقارب، دوست احباب اور مختلف شعبہ ہائے زندگی سے تعلق رکھنے والی شخصیات کی جانب سے خوشی کا اظہار کرتے ہوئے انہیں دلی مبارکباد پیش کی جا رہی ہے رانا عرفان کی ترقی کو ان کے لیے ایک اہم پیشہ ورانہ سنگِ میل قرار دیا جا رہا ہے اہلِ علاقہ نے اس امید کا اظہار کیا ہے کہ وہ نئے عہدے پر اپنی ذمہ داریاں مزید محنت، دیانت داری فرض شناسی اور پیشہ ورانہ جذبے کے ساتھ ادا کرتے ہوئے محکمہ پولیس اور عوام کی خدمت کا سلسلہ جاری رکھیں گے۔ ان کی ترقی نہ صرف اہلِ خانہ بلکہ تحصیل ساہیوال کے لیے بھی باعثِ مسرت ہے