عازمین کیلیے پاک حج ایپ پر میڈیکل فارم بھرنا لازمی قرار، سوالنامہ جاری

اسلام آباد: حج 2026 کے سلسلے میں وزارتِ مذہبی امور نے پاک حج موبائل ایپ پر میڈیکل فارم بھرنا لازمی قرار دے دیا ہے۔

ترجمان کے مطابق عازمین حج کو طبی سوالنامہ جمعہ تک مکمل کرنا ہوگا اور امراض کے بارے میں صرف “ہاں” یا “نہ” میں جواب دینا ہوگا۔ اس سوالنامے کا مقصد عازمین کو مربوط طبی سہولیات فراہم کرنے میں معاونت کرنا ہے۔

سوالنامے میں بلڈ پریشر، دل کی بیماریاں، شوگر، دمہ، گنٹھیا اور تھائی رائیڈ سمیت دیگر اہم طبی معلومات شامل ہیں۔

پاک حج ایپ پر حج ویزا پرنٹ کرنے اور حج پروازوں کے شیڈول کا لنک بھی فراہم کر دیا گیا ہے۔ وزارت کی ہدایت ہے کہ عازمین ایپ کے ذریعے مرحلہ وار نئی معلومات اور اعلانات سے باخبر رہیں۔