نیشنل پریس کلب اسلام آباد کے نومنتخب عہدیداران کو غلام حسین مغل کی مبارکباد

نئی قیادت صحافیوں کی فلاح و بہبود اور آزاد و ذمہ دار صحافت کے فروغ کے لیے مؤثر کردار ادا کرے گی، چیئرمین آواز دیانت میڈیا گروپ

اسلام آباد (نمائندہ خصوصی):
چیئرمین آواز دیانت میڈیا گروپ غلام حسین مغل نے نیشنل پریس کلب اسلام آباد کے حالیہ انتخابات میں کامیابی حاصل کرنے والے نومنتخب عہدیداران کو دلی مبارکباد پیش کی ہے۔

اپنے پیغام میں غلام حسین مغل نے نومنتخب صدر عبدالرزاق سیال، سینئر نائب صدر احتشام الحق، نائب صدور سحرش قریشی، عثمان خان اور بشیر چوہدری، سیکریٹری فرقان راؤ سمیت کابینہ کے دیگر ارکان عابد عباسی، شیراز گردیزی، عون شیرازی، جاوید بھاگٹ اور شکیلہ جلیل کو مبارکباد دیتے ہوئے نیک تمناؤں کا اظہار کیا۔

انہوں نے کہا کہ نیشنل پریس کلب صحافی برادری کا ایک اہم ادارہ ہے جو صحافیوں کے حقوق کے تحفظ اور پیشہ ورانہ اقدار کے فروغ میں اہم کردار ادا کرتا ہے۔

غلام حسین مغل نے امید ظاہر کی کہ نئی قیادت صحافیوں کی فلاح و بہبود، پیشہ ورانہ بہتری اور آزاد و ذمہ دار صحافت کے فروغ کے لیے بھرپور کردار ادا کرے گی۔ انہوں نے مزید کہا کہ آواز دیانت میڈیا گروپ ہمیشہ صحافی برادری کے مسائل کو اجاگر کرنے اور مثبت صحافت کے فروغ کے لیے اپنا کردار ادا کرتا رہے گا۔

آخر میں غلام حسین مغل نے تمام نومنتخب عہدیداران کے لیے نیک خواہشات کا اظہار کیا