نیشنل کوآرڈینیٹر نیکٹا کی تعیناتی سے متعلق متنازع مواد نشر کرنے پر صحافی بلال غوری گرفتار

اسلام آباد (ویب ڈیسک): معروف صحافی اور ولاگر بلال غوری کو نیشنل کاؤنٹر ٹیررازم اتھارٹی (نیکٹا) کے نیشنل کوآرڈی نیٹر کی تعیناتی سے متعلق سوشل میڈیا پر مبینہ متنازع مواد نشر کرنے کے الزام میں گرفتار کرلیا گیا۔

ذرائع کے مطابق بلال غوری کے خلاف این سی سی آئی اے میں مقدمہ درج کیا گیا ہے، جس میں پیکا ایکٹ 2016 کی دفعات 20 اور 26-A شامل کی گئی ہیں۔

ایف آئی آر کے مطابق صحافی نے 5 ستمبر کو ایکس اور یوٹیوب پر نیکٹا کے نیشنل کوآرڈی نیٹر کی تقرری سے متعلق مواد شیئر کیا تھا۔ حکام نے ابتدائی انکوائری میں اس مواد کو مبینہ طور پر گمراہ کن قرار دیا۔

این سی سی آئی اے کا کہنا ہے کہ سوشل میڈیا پر ریاستی اداروں سے متعلق مبینہ غلط معلومات کی تشہیر کے معاملے کی تحقیقات جاری ہیں، جبکہ مقدمہ مجاز اتھارٹی کی اجازت سے درج کیا گیا۔

بلال غوری کو مزید قانونی کارروائی اور تفتیش کے لیے متعلقہ حکام کے حوالے کردیا گیا ہے۔