بانی پی ٹی آئی کی بہن بتا چکی ہیں کہ عمران خان بالکل فٹ ہیں: خواجہ آصف

اسلام آباد: وزیر دفاع خواجہ آصف نے کہا ہے کہ بانی پی ٹی آئی عمران خان کی بہن نے ان کی صحت سے متعلق واضح کیا ہے کہ وہ الحمدللہ بالکل فٹ ہیں۔

سوشل میڈیا پر جاری بیان میں خواجہ آصف نے کہا کہ عمران خان کی بہن خود ڈاکٹر ہیں اور انہوں نے ڈاکٹروں کے ہمراہ اپنے بھائی سے ملاقات کی تھی، جبکہ ان کا بلڈ پریشر بھی چیک کیا گیا جو معمول کے مطابق تھا۔

وزیر دفاع نے کہا کہ عمران خان کی صحت سے متعلق بعض حلقوں کی جانب سے تشویش کا ماحول پیدا کیا جا رہا ہے، جبکہ ان کے مطابق عمران خان کی صحت خراب ہونے سے متعلق غیر ملکی میڈیا میں چلنے والی اطلاعات درست نہیں۔

خواجہ آصف نے الزام عائد کیا کہ بعض عناصر عمران خان کی صحت سے متعلق خبریں سیاسی مقاصد اور احتجاجی سرگرمیوں کو تقویت دینے کے لیے استعمال کر رہے ہیں