قلات ٹول پلازہ کے قریب مسافر کوچ پر مسلح ڈاکوؤں کی فائرنگ، مسافر محفوظ، لاکھوں کا سامان لوٹ لیا

قلات ٹول پلازہ کے قریب مسافر کوچ پر مسلح ڈاکوؤں کی فائرنگ، مسافر محفوظ، لاکھوں کا سامان لوٹ لیا

قلات ٹول پلازہ کے قریب کوئٹہ سے کراچی جانے والی انور موورز کی مسافر کوچ پر مسلح ڈاکوؤں نے فائرنگ کردی، تاہم خوش قسمتی سے تمام مسافر محفوظ رہے۔

ذرائع کے مطابق مسلح ڈاکوؤں نے گن پوائنٹ پر کوچ کو روک کر مسافروں سے نقدی، موبائل فونز اور دیگر قیمتی سامان لوٹ لیا اور واردات کے بعد فرار ہوگئے۔

واقعے کے بعد کوچ مالکان نے احتجاجاً قلات مڈوے کے مقام پر کوئٹہ کراچی قومی شاہراہ کو بند کردیا، جس کے باعث ٹریفک کی روانی متاثر ہوئی اور مسافروں کو مشکلات کا سامنا کرنا پڑا۔

واقعے کی اطلاع ملنے پر متعلقہ حکام نے کارروائی شروع کردی ہے، جبکہ مسلح ڈاکوؤں کی گرفتاری اور شاہراہ پر مسافروں کے تحفظ کے لیے اقدامات کا مطالبہ کیا جا رہا ہے۔