قلات میں ڈاکوؤں کے خلاف احتجاج، آر سی ڈی روڈ بلاک، کوئٹہ کراچی شاہراہ پر ٹریفک معطل

قلات (آن لائن) مسافر کوچ کو مسلح ڈاکوؤں کی جانب سے لوٹنے کے واقعے کے خلاف کوچ مالکان نے احتجاجاً قلات مڈوے کے مقام پر کوئٹہ کراچی قومی شاہراہ کو بلاک کردیا۔

ذرائع کے مطابق شاہراہ کی بندش کے باعث کوئٹہ کراچی روٹ پر ٹریفک کی روانی متاثر ہوگئی اور مسافروں کو شدید مشکلات کا سامنا ہے۔

کوچ مالکان نے مطالبہ کیا ہے کہ قومی شاہراہ پر مسافروں اور ٹرانسپورٹرز کو تحفظ فراہم کیا جائے اور واردات میں ملوث مسلح ڈاکوؤں کو فوری گرفتار کرکے شاہراہ پر امن و امان کی صورتحال بہتر بنائی جائے۔