میر نادر علی ابڑو اینٹی کرپشن اسٹیبلشمنٹ سندھ کے ڈائریکٹر لیگل مقرر

کراچی (وحید منظر) سندھ حکومت نے معروف ادیب، کالم نگار، سماجی رہنما اور سینئر پولیس افسر میر نادر علی ابڑو کو اینٹی کرپشن اسٹیبلشمنٹ سندھ کا ڈائریکٹر لیگل مقرر کر دیا ہے۔

میر نادر علی ابڑو کا تعلق لاڑکانہ سے ہے۔ وہ پاکستان کی ممتاز علمی و ادبی شخصیت، دانشور، جج، سیاست دان، سماجی مصلح، ماہرِ تعلیم اور بے باک صحافی کامریڈ تاج محمد ابڑو کے فرزند ہیں۔ انہوں نے اپنی ادبی، سماجی اور سرکاری خدمات کے باعث نمایاں شناخت حاصل کی ہے۔

ان کی تقرری پر مختلف ادبی، سماجی اور صحافتی حلقوں نے خوشی کا اظہار کرتے ہوئے انہیں مبارک باد پیش کی ہے اور امید ظاہر کی ہے کہ وہ اپنی پیشہ ورانہ صلاحیتوں اور تجربے کو بروئے کار لاتے ہوئے ادارے کے قانونی معاملات میں مؤثر کردار ادا کریں گے۔