جمعیت علماء اسلام کے عوامی اجتماعات میں جوق در جوق شرکت عوامی حمایت اور اعتماد کا واضح ثبوت ہے، مولانا عبدالرحمن رفیق

کوئٹہ ()
جمعیت علماء اسلام ضلع کوئٹہ کے امیر شیخ الحدیث مولانا عبدالرحمن رفیق، ضلعی جنرل سیکرٹری حاجی عین اللہ شمس، سینیئر نائب امیر مولانا خورشید احمد، مرکزی مجلسِ فقہی کے سربراہ و ضلعی سرپرستِ اعلیٰ مفتی محمد روزی خان، حاجی بشیر احمد کاکڑ، مولانا حفیظ اللہ، مولانا محمد سلیمان، حافظ دوست محمد مدنی، مولانا عبدالبصیر، حافظ رشید احمد، حاجی محمد شاہ لالا، مفتی نیک محمد فاروقی اور حاجی نعمت اللہ اچکزئی نے کہا ہے کہ بلوچستان کے عوام آج بھی اپنے حقوق کے تحفظ کے لیے جمعیت علماء اسلام پر بھرپور اعتماد رکھتے ہیں۔ جماعت کے عوامی اجتماعات میں عوام کی جوق درجوق شرکت اس بات کی عکاس ہے کہ عوامی حمایت اعتماد اور قوت کا مرکز آج بھی جمعیت علماء اسلام ہی ہے۔ انہوں نے کہا کہ جماعت کی عوامی قوت نے مخالفین کی سیاسی بے چینی میں اضافہ کردیا ہے جس کے باعث بعض حلقے بے بنیاد تنقید اور منفی پروپیگنڈے کا سہارا لے رہے ہیں۔ تاہم عوام بخوبی جانتے ہیں کہ جمعیت علماء اسلام نے ہر دور میں عوامی مسائل صوبے کے حقوق جمہوری اقدار اور قومی مفادات کے تحفظ کے لیے مؤثر اور اصولی کردار ادا کیا ہے۔ انہوں نے کہا کہ جمعیت علماء اسلام کی قیادت نے ہمیشہ ہر فورم پر بلوچستان اور اس کے عوام کے حقوق کی بھرپور نمائندگی کی ہے۔ عوام کا غیر متزلزل اعتماد اور محبت جماعت کے لیے باعثِ فخر اور ایک عظیم ذمہ داری ہے جسے ہر قیمت پر برقرار رکھا جائے گا۔ جمعیت علماء اسلام عوامی امنگوں کی ترجمانی اسلامی اقدار کے فروغ اور عوامی حقوق کے حصول کے لیے اپنی جدوجہد پوری قوت اور استقامت کے ساتھ جاری رکھے گی۔

Browse Posts

اسسٹنٹ کمشنر کشمور شاہ رخ کا مختلف فلور ملز کا دورہ، گندم کے ذخائر کا جائزہ

گوادر: پاک ایران سرحد پر تجارتی سرگرمیاں متاثر، ایل پی جی بحران کا خدشہ

رکھنی۔بیکڑ روڈ منصوبہ علاقے کی سماجی و معاشی ترقی میں سنگِ میل ثابت ہوگا ، بابر خان