انڈس ہائی وے پر ٹرک اور موٹر سائیکل میں تصادم، دو نوجوان جاں بحق، ایک زخمی

کندھ کوٹ (نامہ نگار/عبدالرزاق آزاد) کندھ کوٹ انڈس ہائی وے نیو سبزی منڈی کے قریب موٹر سائیکل اور ٹرک میں زوردار تصادم ہو گیا جس کے نتیجے میں موٹر سائیکل سوار تین نوجوان حادثے کا شکار ہو گئے حادثے میں دو نوجوان محمد عامر چنہ اور مدثر چنہ موقع پر ہی جاں بحق ہو گئے جبکہ ایک نوجوان سھیل چنہ شدید زخمی ہو گیا حادثے کی اطلاع ملتے ہی مقامی افراد اور پولیس فوری طور پر جائے وقوعہ پر پہنچ گئے اور زخمی اور جاں بحق ہونے والے افراد کو کندھ کوٹ کے سول اسپتال منتقل کیا گیا اسپتال میں زخمی سھیل چنہ کو ابتدائی طبی امداد دینے کے بعد حالت تشویشناک ہونے کے باعث مزید علاج کے لیے سکہر منتقل کر دیا گیا دوسری جانب حادثے میں جاں بحق ہونے والے دونوں نوجوانوں کی لاشیں اسپتال لائی گئیں جہاں ضروری قانونی کارروائی مکمل کرنے کے بعد لاشیں ورثاء کے حوالے کر دی گئیں نوجوانوں کی لاشیں گھر پہنچنے پر گھروں میں کہرام مچ گیا جبکہ علاقے میں سوگ کی فضا چھا گئی پولیس نے کارروائی کرتے ہوئے ٹرک کو اپنی تحویل میں لے کر ڈرائیور کو گرفتار کر لیا ہے واقعہ کا مقدمہ درج نہ ہو سکا،