بلاول بھٹو زرداری کی وزیراعلیٰ سندھ کے ہمراہ گڑھی خدا بخش میں شہداء کے مزارات پر حاضری

نوڈیرو (رپورٹ:عابد بھٹو) بلاول بھٹو زرداری کا وزیر اعلیٰ کے ہمراہ گڑھی خدا بخش بھٹو پہنچ کر شہداء کے مزارات پر حاضری ، پاکستان پیپلز پارٹی کے چیئرمین بلاول بھٹو زرداری سندھ کے وزیر اعلیٰ سید مراد علی شاہ کے ہمراہ نوڈیرو ہاؤس سے گڑھی خدا بخش بھٹو پہنچ گئے۔ جہاں انہوں نے قائد عوام شہید ذوالفقار علی بھٹو، شہید محترمہ بینظیر بھٹو، بیگم نصرت بھٹو، شہید میر مرتضیٰ بھٹو، شہید شاہنواز بھٹو کے مزارات پر حاضری دی، پھول رکھے اور فاتحہ خوانی کی۔اس موقع پر پی پی سندھ کے صدر نثار احمد کھوڑو، ایم این اے خورشید احمد جونیجو، ایم پی اے جمیل احمد سومرو، عبدالفتاح بھٹو، اعجاز احمد لغاری اور دیگر بھی موجود تھے۔
گڑھی خدا بخش بھٹو میں شہداء کے مزارات پر حاضری کے بعد بلاول بھٹو زرداری وزیر اعلیٰ سید مراد علی شاہ اور دیگر کے ہمراہ لاڑکانہ میں 600 بستروں پر مشتمل اسپتال کے سنگ بنیاد رکھنے کی تقریب میں شرکت کے لیے روانہ ہو گئے۔