سونا آج پھر مہنگا ہوگیا، قیمتوں میں بڑا اضافہ

کراچی: سونے کی عالمی اور مقامی مارکیٹوں میں آج منگل کے روز بھی قیمتوں میں اضافہ ریکارڈ کیا گیا۔

بین الاقوامی مارکیٹ میں فی اونس سونے کی قیمت میں 28 ڈالر کا اضافہ ہوا، جس کے بعد نئی عالمی قیمت 4,560 ڈالر فی اونس ہو گئی۔ عالمی مارکیٹ کے اثرات کے تحت مقامی صرافہ بازاروں میں بھی فی تولہ سونے کی قیمت میں 2,800 روپے کا اضافہ ہوا اور نئی قیمت 4,78,762 روپے پر پہنچ گئی۔

اسی طرح مقامی سطح پر فی 10 گرام سونا 2,401 روپے مہنگا ہو کر 4,10,461 روپے ہو گیا۔

دوسری جانب عالمی مارکیٹ میں فی اونس چاندی کی قیمت 73 ڈالر تک بڑھ گئی، جبکہ مقامی مارکیٹ میں فی تولہ چاندی 260 روپے مہنگی ہو کر 7,784 روپے اور فی 10 گرام چاندی 223 روپے بڑھ کر 6,673 روپے کی سطح پر آ گئی۔

واضح رہے کہ گزشتہ روز بھی سونے کی قیمتوں میں اضافہ ریکارڈ کیا گیا تھا، جو بڑھتی ہوئی عالمی طلب اور عالمی مارکیٹ کے رجحانات کی عکاسی کرتا ہے۔