مغربی ہواؤں کا نیا سلسلہ؛ کراچی میں بارش ہوگی یا نہیں؟ محکمہ موسمیات نے بتا دیا

کراچی: محکمہ موسمیات نے اپریل کے آغاز پر ملک میں بارش کے نئے سلسلے کے حوالے سے ایڈوائزری جاری کر دی ہے۔

ارلی وارننگ سینٹر کے مطابق مغربی ہواؤں کا نیا سلسلہ کل بلوچستان کے راستے ملک میں داخل ہوگا، جس کے اثرات کراچی اور دیہی سندھ سمیت مختلف علاقوں میں نظر آئیں گے۔

Browse Posts

تعلیمی ادارے کے قریب شراب خانہ قائم، طلبہ و طالبات میں شدید تشویش

ایران سمجھداری دکھائے، غلط فیصلہ کیا تو ہم دوبارہ جنگ کیلیے تیار ہیں؛ امریکا

یوٹیوب نے صارفین کیلئے شارٹس سے متعلق منفرد فیچر متعارف کرادیا

کراچی میں جمعرات کو گرج چمک کے ساتھ بارش کا امکان ہے اور مذکورہ موسمی سسٹم شہر پر 4 اپریل تک بارشوں کی صورت میں اثرانداز رہ سکتا ہے۔ شہر کے بعض علاقوں میں موسلادھار بارشیں متوقع ہیں، جبکہ ژالہ باری کا بھی خدشہ ہے۔

دیہی سندھ کے مختلف اضلاع میں بھی گرج چمک کے ساتھ بارشیں متوقع ہیں، اور تیز ہواؤں کے سبب کمزور عمارات اور املاک کو نقصان پہنچنے کا اندیشہ ہے۔

محکمہ موسمیات نے شہریوں کو احتیاطی تدابیر اختیار کرنے اور موسمی حالات سے متعلق تازہ ترین اطلاعات پر نظر رکھنے کی ہدایت کی ہے۔