پیپلز پارٹی روہڑی تنظیم کا گڑھی خدا بخش بھٹو کا دورہ شہدائے جمہوریت کی مزارات پر حاضری اور فاتحہ خوانی

سکھر (رپورٹ اسلم سومرو) پاکستان پیپلز پارٹی تحصیل روہڑی کی نومنتخب تنظیم نے تحصیل صدر حاجی نبی بخش جسکانی کی قیادت میں گڑھی خدا بخش بھٹو کا دورہ کیا، جہاں وفد نے قائدِ عوام شہید ذوالفقار علی بھٹو، شہید محترمہ بینظیر بھٹو اور دیگر شہدائے جمہوریت کی مزارات پر حاضری دی۔ اس موقع پر رہنماؤں اور کارکنوں نے پھولوں کی چادریں چڑھائیں، فاتحہ خوانی کی اور شہداء کی سیاسی، جمہوری اور عوامی خدمات کو زبردست خراجِ عقیدت پیش کیا وفد میں پاکستان پیپلز پارٹی تحصیل روہڑی کے عہدیداران اور کارکنان کی بڑی تعداد شامل تھی۔ اس موقع پر مقررین نے کہا کہ پاکستان پیپلز پارٹی شہداء کی قربانیوں کی امین جماعت ہے اور عوامی خدمت، جمہوریت کے فروغ اور ملک کی ترقی و خوشحالی کے لیے اپنی جدوجہد جاری رکھے گی وفد نے ملک میں امن، استحکام، خوشحالی، جمہوریت کی مضبوطی اور عوامی مسائل کے حل کے لیے خصوصی دعائیں بھی کیں۔ رہنماؤں نے اس عزم کا اظہار کیا کہ وہ شہید ذوالفقار علی بھٹو اور شہید محترمہ بینظیر بھٹو کے مشن کو آگے بڑھاتے ہوئے پارٹی کو مزید مضبوط اور فعال بنانے کے لیے بھرپور کردار ادا کریں گے دورے کے اختتام پر وفد نے شہداء کی قربانیوں کو خراجِ تحسین پیش کرتے ہوئے ملک و قوم کی سربلندی اور پاکستان کی ترقی کے لیے نیک تمناؤں کا اظہار کیا۔ :::