راولپنڈی این سی سی آئی اے کی کارروائی، شہری سے فراڈ کے ذریعے ہتھیائی گئی 59 لاکھ روپے سے زائد رقم برآمد

نیشنل سائبر کرائم انویسٹیگیشن ایجنسی (این سی سی آئی اے) راولپنڈی نے مؤثر کارروائی کرتے ہوئے جعل سازی کے ذریعے شہری سے ہتھیائی گئی 59 لاکھ روپے سے زائد کی رقم برآمد کرکے شکایت کنندہ کے حوالے کر دی۔تفصیلات کے مطابق شہری کی شکایت پر این سی سی آئی اے راولپنڈی نے معاملے کی تحقیقات اور قانونی کارروائی کا آغاز کیا، جس کے نتیجے میں فراڈ کے ذریعے حاصل کی گئی رقم کی برآمدگی ممکن ہوئی۔یہ کارروائی سب انسپکٹر غیور عباس جعفری نے انجام دی، جن کی کوششوں سے متاثرہ شہری کو اس کی ہتھیائی گئی رقم واپس دلانے میں کامیابی حاصل ہوئی۔رقم کی واپسی سے متاثرہ شہری کو مالی ریلیف ملا، جبکہ سائبر جرائم اور آن لائن فراڈ کے خلاف ادارے کی کارروائی کو اہم پیش رفت قرار دیا جا رہا ہے۔