پاکستان میں 5G اسپیکٹرم کا آغاز: ٹیکنالوجی، سرمایہ کاری اور ڈیجیٹل ترقی کا نیا دور

اسلام آباد: ایس آئی ایف سی کی مؤثر حکمت عملی کے تحت پاکستان میں 5G اسپیکٹرم اور ڈیجیٹل ترقی کے نئے دور کا آغاز ہو گیا ہے۔ پاکستان بھر میں 300 سے زائد 5G سائٹس فعال ہیں جبکہ بڑے شہروں اور اہم مقامات پر سروس بھی شروع ہو چکی ہے۔

جاز کی 180 اور زونگ کی 150 5G سائٹس فعال ہو چکی ہیں، اور 103 موبائل برانڈز پر 2,254 ڈیوائسز میں 5G سروس دستیاب ہے۔ پاکستان سافٹ ویئر ہاؤسز ایسوسی ایشن نے اس آغاز کو ملک کے لیے ایک انقلابی قدم قرار دیا اور وزیرِاعظم، وزارت آئی ٹی، ایس آئی ایف سی اور پی ٹی اے کی کاوشوں کو سراہا۔

مشیر وزیر خزانہ خرم شہزاد کے مطابق 5G اسپیکٹرم سے انٹرنیٹ کی رفتار اور معیار میں نمایاں اضافہ ہوگا۔ نیلامی میں اتصالات، چائنا موبائل اور ویون گروپ نے پاکستان میں 50 کروڑ ڈالر سے زائد سرمایہ کاری کی ہے، جبکہ جاز (ویون گروپ) نے آئندہ تین سال میں مزید 1 ارب ڈالر کی سرمایہ کاری کا اعلان کیا ہے۔

ان مقامی اور عالمی سرمایہ کاریوں کے تسلسل سے ملکی معیشت کی بحالی اور پائیدار استحکام کے واضح اشارے مل رہے ہیں۔