ہر پاکستانی ریاست پاکستان اور پاک فوج کےساتھ وفادار رہے، ایڈوکیٹ تانیہ بازئی

معروف قانون دان ایڈوکیٹ تانیہ بازئی نے کہا ہے کہ ہر پاکستانی کو اپنی ریاست پاکستان کے ساتھ مخلص اور پاک فوج کے ساتھ وفادار رہنا چاہیے کیونکہ ریاست پاکستان ہماری پہچان، عزت اور قومی تشخص کی علامت ہے سیاسی شخصیات اور سیاسی چہرے وقت کے ساتھ تبدیل ہوتے رہتے ہیں، مگر پاکستان ایک مستقل حقیقت ہے اور ہماری ریاست ہمیشہ قائم و دائم رہے گی انہوں نے کہا کہ سیاسی اختلافات اپنی جگہ موجود ہو سکتے ہیں لیکن قومی سلامتی ملکی استحکام اور ریاستی اداروں کا احترام ہم سب کی مشترکہ ذمہ داری ہے۔ ہمیں ذاتی اور سیاسی وابستگیوں سے بالاتر ہو کر پاکستان کی ترقی، خوشحالی اور استحکام کے لیے اپنا مثبت کردار ادا کرنا چاہیے ایڈوکیٹ تانیہ بازئی نے مزید کہا کہ پاکستان ہماری جان اور ریاست ہماری پہچان ہے۔ ہمیں اپنی پاک فوج اور دیگر قومی اداروں کے ساتھ یکجہتی کا اظہار کرتے ہوئے ملک کے وقار، سلامتی اور اتحاد کو مقدم رکھنا چاہیے تاکہ ایک مضبوط، مستحکم اور خوشحال پاکستان کی بنیاد مزید مستحکم ہو۔