مراکش میں عالمی جی ایف ایف ورکشاپ کے دوران سمیرا اشرف نے پاکستان اور ایشیا کی نمائندگی کی

رباط، مراکش (رپورٹ۔ محمد حنیف جمالی) بلوچستان کی نوجوان سماجی رہنما اور یوتھ ایسوسی ایشن فار ڈویلپمنٹ (YAD) کی نمائندہ پاکستان جرنلسٹ ایسوسی ایشن صوبہ بلوچستان کے سینئر نائب صدر سمیرا اشرف نے یکم اور 2 نومبر 2026ء کو مراکش کے دارالحکومت رباط میں منعقد ہونے والی عالمی جی ایف ایف ورکشاپ میں پاکستان، بلوچستان اور براعظم ایشیا کی نمائندگی کرتے ہوئے اہم اعزاز حاصل کیا۔
گلوبل سول سوسائٹی کوآرڈینیٹنگ گروپ (CSCG) اور گلوبل فنانسنگ فیسلٹی (GFF) کے اشتراک سے منعقدہ اس عالمی ورکشاپ کا بنیادی مقصد صحت، مساوات اور پائیدار ترقی کے حوالے سے سول سوسائٹی کی آواز کو عالمی سطح پر مؤثر انداز میں پیش کرنا تھا۔
ورکشاپ میں مختلف ممالک سے تعلق رکھنے والے سول سوسائٹی کے نمائندوں نے شرکت کی اور صحت عامہ، سماجی مساوات، نوجوانوں کے کردار اور پائیدار ترقی جیسے اہم موضوعات پر اپنے خیالات کا اظہار کیا۔
اس عالمی فورم پر بلوچستان پاکستان کی نمائندگی کرنا ایک قابلِ فخر پیش رفت ہے۔ سمیرا اشرف نے یوتھ ایسوسی ایشن فار ڈویلپمنٹ (YAD) کی جانب سے شرکت کرتے ہوئے بلوچستان اور پاکستان کا مؤقف عالمی شرکاء کے سامنے پیش کیا۔
ورکشاپ کے دوران سمیرا اشرف کی خطاب کرتے ہوئے تصویر بھی جاری کی گئی، جبکہ دیگر ممالک کے نمائندوں کے ساتھ گروپ تصاویر میں ان کی شرکت بھی نمایاں رہی۔
اس موقع پر پاکستان اور مراکش کے قومی پرچموں کی موجودگی نے دونوں ممالک کے درمیان بین الاقوامی رابطوں اور سول سوسائٹی کے باہمی تعاون کی اہمیت کو اجاگر کیا۔
یوتھ ایسوسی ایشن فار ڈویلپمنٹ پاکستان کے بلوچستان چیپٹر کی جانب سے اس عالمی سرگرمی میں شرکت نوجوانوں کی صلاحیتوں کو اجاگر کرنے اور بلوچستان کی سماجی خدمات کو بین الاقوامی سطح پر متعارف کرانے کی ایک اہم کوشش ہے۔
یہ شرکت اس بات کی عکاسی کرتی ہے کہ بلوچستان کے نوجوان بھی عالمی سطح پر صحت، سماجی انصاف، مساوات اور پائیدار ترقی کے معاملات میں اپنا کردار ادا کرنے کی صلاحیت رکھتے ہیں۔
سمیرا اشرف کی جانب سے پاکستان، بلوچستان اور ایشیا کی نمائندگی کو ایک مثبت پیش رفت قرار دیا جا رہا ہے۔ ان کی شرکت نہ صرف بلوچستان بلکہ ملک بھر کے نوجوانوں کے لیے حوصلہ افزائی کا باعث ہے۔
ضرورت اس امر کی ہے کہ بلوچستان کے باصلاحیت نوجوانوں کو قومی اور بین الاقوامی سطح پر مزید مواقع فراہم کیے جائیں تاکہ وہ اپنی صلاحیتوں، تجربات اور خدمات کے ذریعے پاکستان کا نام روشن کر سکیں۔