کھیل طلبہ کی تعلیم و تربیت کا اہم حصہ ہیں، ڈاکٹر بختیار اختر

ڈیرہ اسماعیل خان (شمیم شاہد) مفتی محمود کالج ڈیرہ اسماعیل خان میں سالانہ سپورٹس گالا کی رنگا رنگ افتتا حی تقریب سکول طلبہ نے کالج پرنسپل ڈاکٹر بختیار اختر کو پھولوں کا گلدستہ پیش کر کے ایونٹ کے انعقاد پر ان کا شکریہ ادا کیا ہفتہ کھیل کا باقاعدہ افتتاح کالج پرنسپل ڈاکٹر بختیار اختر اور چیئرمین ڈیرہ بورڈ احسان اللہ نے فیتہ کاٹ کر کیا افتتاحی تقریب میں اساتذہ، طلبہ اور سکول سیکشن کے بچوں کی بڑی تعداد نے شرکت کی تقریب کے دوران بوائز سیکشن کے طلبا کو چار ہاؤسز سرسید، جناح، اقبال اور ایدھی میں تقسیم کیا گیا ہے ہفتہ کھیل کے دوران فٹ بال، کرکٹ، والی بال، بیڈمنٹن سمیت مختلف کھیلوں کے دلچسپ اور کانٹے دار مقابلوں کا انعقاد کیا جائے گا، جس کے لیے طلبا میں بھرپور جوش و خروش پایا جاتا ہے اس موقع پر کالج پرنسپل ڈاکٹر بختیار اختر نے اپنے خطاب میں کہا کہ کھیل محض تفریح کا ذریعہ نہیں بلکہ تعلیم و تربیت کا ایک اہم حصہ ہیں کھیل طلبہ میں نظم و ضبط، خود اعتمادی، برداشت، ٹیم ورک، قائدانہ صلاحیتوں اور ایک دوسرے کے احترام کا جذبہ پیدا کرتے ہیںکھیل صحت مند جسم کے ساتھ صحت مند ذہن کی تشکیل میں بھی اہم کردار ادا کرتے ہیںانہوں نے مزید کہا کہ کھیل کے میدان میں طلبہ جیتنے کے ساتھ ساتھ ہار کو برداشت کرنا، دوسروں کی کامیابی کو تسلیم کرنا اور مسلسل محنت کرنا بھی سیکھتے ہیںیہی خوبیاں انہیں عملی زندگی میں ایک ذمہ دار، باکردار اور کامیاب شہری بننے میں مدد دیتی ہیں ہمارا مقصد صرف اچھے طالب علم تیار کرنا نہیں بلکہ صحت مند، باصلاحیت، پراعتماد اور بہترین کردار کے حامل نوجوانوں کی تربیت کرنا بھی ہے۔