سونے کی قیمت میں نمایاں کمی، فی تولہ سونا سستا ہو گیا

ملک میں سونے کی مقامی اور عالمی قیمتوں میں نمایاں کمی دیکھنے میں آئی ہے جس سے خریداروں اور سرمایہ کاروں کو فائدہ پہنچا ہے۔

تازہ اعداد و شمار کے مطابق فی تولہ سونے کی قیمت کم ہو کر 5 لاکھ 22 ہزار 762 روپے ہو گئی ہے، جبکہ 10 گرام سونا 4 لاکھ 48 ہزار 184 روپے میں فروخت ہو رہا ہے۔ اس طرح فی تولہ سونا 1800 روپے اور 10 گرام سونا 1543 روپے سستا ہو گیا ہے۔

عالمی مارکیٹ میں بھی سونے کی قیمت میں کمی دیکھی گئی ہے جہاں فی اونس سونے کی قیمت 18 ڈالر کمی کے بعد 5000 ڈالر تک پہنچ گئی۔

ماہرین کے مطابق عالمی مارکیٹ میں قیمتوں میں اتار چڑھاؤ اور مقامی سطح پر طلب و رسد کے اثرات سونے کی قیمتوں میں کمی کی بڑی وجوہات ہیں۔