سکیورٹی فورسز کا لکی مروت میں خفیہ اطلاع پر آپریشن، 5 دہشت گرد ہلاک

سکیورٹی فورسز نے لکی مروت میں خفیہ اطلاع پر کارروائی کرتے ہوئے 5 دہشت گردوں کو ہلاک کردیا۔ مسلح افواج کے شعبہ تعلقات عامہ ( آئی ایس پی آر ) کے مطابق 15 مارچ 2026ء کو سکیورٹی فورسز نے اندین پراکسی فتنہ الخوارج سے تعلق رکھنے والے دہشت گردوں کی موجودگی کی اطلاع پر خیبرپختونخواہ کے ضلع لکی مروت میں انٹیلی جنس پر مبنی آپریشن کیا۔

فوج کے ترجمان ادارے نے بتایا کہ آپریشن کے دوران پاک فوج کے دستوں نے خوارج کے مقام کو مؤثر طریقے سے نشانہ بنایا اور اس دوران شدید فائرنگ کے تبادلے کے بعد 5 خوارج کو جہنم واصل کر دیا گیا، ہلاک ہونے والے بھارتی سپانسر شدہ خوارج سے اسلحہ اور گولہ بارود بھی برآمد ہوا جو علاقے میں متعدد دہشت گردی کی کارروائیوں میں سرگرم رہے۔ آئی ایس پی آر کا مزید یہ بھی کہنا ہے کہ علاقے میں پائے جانے والے کسی بھی دوسرے ہندوستانی سپانسر شدہ خارجی کو ختم کرنے کے لیے سینی ٹائزیشن آپریشن کیا جا رہا ہے، جیسا کہ سکیورٹی فورسز اور پاکستان کے قانون نافذ کرنے والے اداروں کی طرف سے وژن “عزم استحکام” کے تحت انسداد دہشت گردی کی مسلسل مہم پوری رفتار سے جاری رہے گی۔