خطے کے دیگر ممالک کیساتھ تنازع میں پڑنے کا کوئی ارادہ نہیں، ایرانی صدر کی شہباز شریف سے گفتگو

Masoud Pezeshkian نے کہا ہے کہ ایران کا خطے کے دیگر ممالک کے ساتھ کسی تنازع میں پڑنے کا کوئی ارادہ نہیں۔

ایرانی میڈیا کے مطابق ایرانی صدر نے پاکستان کے وزیراعظم Shehbaz Sharif سے ٹیلیفونک گفتگو کی جس میں خطے کی موجودہ صورتحال پر تبادلہ خیال کیا گیا۔

گفتگو کے دوران مسعود پزشکیان کا کہنا تھا کہ اگر عالمی برادری جنگ کے اصل ذمہ داروں پر توجہ نہ دے تو عالمی نظام اور سکیورٹی کو سنگین خطرات لاحق ہو سکتے ہیں۔ انہوں نے ایک بار پھر واضح کیا کہ ایران خطے کے دیگر ممالک کے ساتھ کشیدگی یا تنازع نہیں چاہتا۔

واضح رہے کہ اس سے قبل وزیراعظم شہباز شریف نے ایران کے نومنتخب سپریم لیڈر Mojtaba Khamenei کو خط لکھ کر Ali Khamenei کی شہادت پر تعزیت کا اظہار کیا تھا۔

وزیراعظم نے اپنے پیغام میں ایرانی عوام اور امتِ مسلمہ کے لیے پاکستانی عوام کی جانب سے ہمدردی، تعزیت اور دعاؤں کا اظہار بھی کیا۔