ایرانی حملوں سے24 امریکی فوجی اڈے اور 274 عمارتیں تباہ ہوئیں : امریکی اخبار کی تصدیق

ایک امریکی اخبار کی رپورٹ کے مطابق ایرانی حملوں کے نتیجے میں مشرقِ وسطیٰ میں امریکی فوجی موجودگی والی 24 تنصیبات کی 274 عمارتوں کو نقصان پہنچا ہے۔

رپورٹ میں سیٹلائٹ تصاویر اور امریکی فوجی حکام کے انٹرویوز کی بنیاد پر بتایا گیا ہے کہ حملوں کے ابتدائی دو ہفتوں کے دوران 119 عمارتیں متاثر ہوئیں، جبکہ ایران نے فوجیوں کی رہائشی عمارتوں کو بھی نشانہ بنایا۔

تحقیق کے مطابق جنگ کے پہلے چھ ماہ کے دوران ہونے والے حملوں سے امریکی فوجی تنصیبات کو پہنچنے والے نقصان کا ابتدائی تخمینہ کم از کم 5 ارب ڈالر لگایا گیا ہے۔

رپورٹ میں مزید کہا گیا ہے کہ فوجی اڈوں کی تعمیرِ نو پر 4 ارب ڈالر سے زائد خرچ آسکتا ہے، جبکہ امریکا خطے میں اپنی فوجی موجودگی محدود کرنے کے امکان پر بھی غور کر رہا ہے۔