بائنانس نے سائبر حملے میں چوری ہونے والی رقم میں سے 90 فیصد کی تلافی کردی

کرپٹو کرنسی ایکسچینج بائنانس نے سائبر حملے کے نتیجے میں چوری ہونے والے ڈیجیٹل اثاثوں میں سے 90 فیصد کی تلافی کردی ہے۔

غیر ملکی میڈیا رپورٹس کے مطابق حملے میں تقریباً 6.3 ارب ڈالر مالیت کے کرپٹو اثاثے متاثر ہوئے تھے، جن میں سے بائنانس نے تقریباً 6 ارب ڈالر کی تلافی کی ہے۔

بائنانس نے اپنے سیف فنڈ، فیوچرز انشورنس فنڈ اور کارپوریٹ خزانے کے وسائل استعمال کرتے ہوئے چوری شدہ ٹوکن دوبارہ خریدے تاکہ صارفین کو مالی نقصان سے محفوظ رکھا جاسکے۔

دوسری جانب امریکی تحقیقاتی ادارے ایف بی آئی نے دعویٰ کیا ہے کہ بائنانس سے 6 ارب ڈالر سے زائد مالیت کے ڈیجیٹل اثاثوں کی چوری میں شمالی کوریا ملوث ہے۔

یاد رہے کہ 30 اکتوبر کو بائنانس کو سائبر حملے کا سامنا کرنا پڑا تھا، جس کے نتیجے میں تقریباً 6.3 ارب ڈالر مالیت کے کرپٹو اثاثے متاثر ہوئے تھے۔