بلوچستان کی خواتین کے لیے 15 لاکھ روپے تک بلاسود قرضوں اور جدید کاروباری مواقع کا اعلان

کوئٹہ: مشیر برائے ترقیِ نسواں ڈاکٹر ربابہ خان بلیدی نے بلوچستان کی خواتین کو معاشی طور پر خودمختار بنانے کے لیے اہم اقدامات کا اعلان کردیا۔

WEXNET 2026 نمائش سے خطاب کرتے ہوئے انہوں نے کہا کہ خواتین کو 15 لاکھ روپے تک بلاسود قرضے، کاروباری تربیت اور قومی و بین الاقوامی منڈیوں تک رسائی فراہم کی جائے گی۔

ڈاکٹر ربابہ خان بلیدی کے مطابق 10 ہزار خواتین کو ڈیجیٹل تربیت دینے کا منصوبہ بھی بنایا گیا ہے، جبکہ صوبے کے ساتوں ڈویژنوں میں ویمن ٹیک انکیوبیشن سینٹرز قائم کیے جائیں گے۔

ان اقدامات کا مقصد خواتین کو جدید ٹیکنالوجی، کاروباری تربیت اور معاشی سرگرمیوں کے ذریعے ترقی کے بہتر مواقع فراہم کرنا ہے۔