بلوچستان کی عابدہ بتول نے تھائی باکسر کو شکست دے کر عالمی ایٹم ویٹ ٹائٹل اپنے نام کرلیا

کوئٹہ سے تعلق رکھنے والی ہزارہ برادری کی باکسر عابدہ بتول نے تھائی لینڈ کے شہر پٹایا میں عالمی اعزاز اپنے نام کرلیا۔

ویمنز انٹرنیشنل باکسنگ ایسوسی ایشن کے عالمی ایٹم ویٹ ٹائٹل کے لیے ہونے والے مقابلے میں عابدہ بتول نے تھائی باکسر وانڈی سینون گخروٹ کو پانچویں راؤنڈ میں شکست دے دی۔

آٹھ راؤنڈز پر مشتمل فائٹ میں عابدہ بتول نے شاندار مقابلہ کرتے ہوئے پانچویں راؤنڈ میں کامیابی حاصل کی اور عالمی ٹائٹل جیت لیا۔

کامیابی کے بعد عابدہ بتول نے اپنے اہلِ خانہ، اسپانسرز، کوچ اور پاکستانی قوم کا شکریہ ادا کیا۔