سوئی گیس کمپنی نے گھریلو کنکشن پر پابندی غیر معینہ مدت تک بڑھادی

سوئی گیس کمپنی نے گھریلو گیس کنکشنز پر عائد پابندی غیر معینہ مدت تک بڑھا دی ہے، جبکہ رواں ماہ سے کمرشل تندوروں، ہوٹلوں اور دیگر شعبوں کے نئے کنکشن بھی بند کردیے گئے ہیں۔

ذرائع کے مطابق ہزاروں صارفین ارجنٹ فیس جمع کروانے کے باوجود گیس کنکشن حاصل نہیں کرسکے۔ آر ایل این جی کی سپلائی متاثر ہونے کے باعث موجودہ نظام میں بھی گیس کا شارٹ فال بڑھ گیا ہے۔

ذرائع کا کہنا ہے کہ سردی کی آمد کے ساتھ گیس کی طلب کئی گنا بڑھ چکی ہے، جس کے باعث گھریلو صارفین کو بھی فراہمی میں مشکلات کا سامنا ہے۔

سوئی گیس حکام کے مطابق نئے کنکشنز پر پابندی وزارتِ پیٹرولیم نے عائد کی ہے، جبکہ ایران اور امریکا کے درمیان جنگ رکنے کے بعد کنکشنز کی بحالی کا امکان ہے۔