اسلام آباد: پاکستان کے لیے مارچ کے مہینے میں خام تیل کے چار جہازوں کا انتظام کر لیا گیا ہے۔ ذرائع کے مطابق ایک جہاز سعودی عرب جبکہ دوسرا متحدہ عرب امارات سے پاکستان پہنچے گا۔
ذرائع کا کہنا ہے کہ مزید دو جہاز امریکا سے پاکستان کے لیے روانہ کیے جائیں گے۔ سعودی عرب اور امارات سے آنے والے جہاز تقریباً 70 ہزار ٹن خام تیل پر مشتمل ہوں گے، جس سے ملک میں توانائی کی ضروریات پوری کرنے میں مدد ملے گی۔
