کوئٹہ محکمہ موسمیات کے مطابق بلوچستان میں 9 مارچ بروز سوموار سے نئے بادلوں کے سسٹم کے داخل ہونے کا امکان ہے جس کے باعث صوبے کے بیشتر علاقوں میں بارش کی پیشگوئی کی گئی ہے۔ محکمہ موسمیات کا کہنا ہے کہ اس موسمی سسٹم کے زیر اثر صوبے کے نصف سے زائد علاقوں میں گرج چمک کے ساتھ بارش متوقع ہے جبکہ بعض مقامات پر تیز ہواں کے ساتھ بارش بھی ہوسکتی ہے۔صوبائی دارالحکومت کوئٹہ میں بھی 10 اور 11 مارچ کو وقفے وقفے سے بارش ہونے کا امکان ظاہر کیا گیا ہے جس کے باعث موسم میں دوبارہ خنکی بڑھنے کی توقع ہے۔ماہرین موسمیات کے مطابق بارشوں کے بعد درجہ حرارت میں کمی واقع ہوگی اور موسم ٹھنڈا ہوسکتا ہے، اس لییشہریوں کو مشورہ دیا گیا ہے کہ گرم کپڑے ابھی سنبھال کر نہ رکھیں۔محکمہ موسمیات نے امید ظاہر کی ہے کہ یہ بارشیں صوبے کے لیے خیر و برکت کا باعث بنیں گی اور خشک سالی کے خدشات میں کمی آئے گی۔
بلوچستان میں پیر سے بارشوں کے نئے سلسلے کا امکان، محکمہ موسمیات نے الرٹ جاری کر دیا
