سندھ ہائیکورٹ آئینی بینچز کی مدت میں توسیع کے لیے جوڈیشل کمیشن کا اجلاس طلب

اسلام آباد: سندھ ہائیکورٹ میں آئینی بینچز کی مدت میں توسیع کے معاملے پر جوڈیشل کمیشن کا اجلاس 13 اکتوبر کو طلب کرلیا گیا۔

چیف جسٹس پاکستان یحییٰ آفریدی جوڈیشل کمیشن کے اجلاس کی صدارت کریں گے۔ اجلاس سپریم کورٹ کے کانفرنس روم میں دن ڈیڑھ بجے ہوگا۔

اجلاس میں سندھ ہائیکورٹ کے آئینی بینچز کی مدت میں توسیع سے متعلق معاملے پر غور کیا جائے گا۔

واضح رہے کہ سندھ ہائیکورٹ میں قائم آئینی بینچز کی موجودہ مدت 25 اکتوبر کو ختم ہورہی ہے۔