پشتون ثقافت ہماری خوبصورت روایات کا حصہ ہے، ظہور بلیدی

کوئٹہ: صوبائی وزیر ظہور بلیدی نے پشتون ثقافتی دن کے موقع پر پشتون برادری کو دلی مبارکباد پیش کرتے ہوئے کہا ہے کہ پشتون ثقافت اپنی قدیم روایات، اقدار، مہمان نوازی اور شاندار تہذیبی ورثے کے باعث منفرد مقام رکھتی ہے۔

اپنے پیغام میں ظہور بلیدی نے پشتون بھائیوں کے لیے نیک خواہشات کا اظہار کرتے ہوئے کہا کہ ثقافتی دن اپنی زبان، روایات اور ثقافتی ورثے کو اجاگر کرنے کا اہم موقع ہے۔ انہوں نے کہا کہ بلوچستان مختلف اقوام، ثقافتوں اور روایات کا خوبصورت امتزاج ہے اور باہمی احترام و ہم آہنگی ہی معاشرے کی مضبوطی کی بنیاد ہے۔

ظہور بلیدی نے پشتون ثقافتی دن پر پشتون برادری کو ایک بار پھر دلی مبارکباد پیش کرتے ہوئے ان کے لیے خوشحالی، امن اور ترقی کی نیک خواہشات کا اظہار کیا۔