سونا 2 روز وقفے کے بعد پھر مہنگا ؛ چاندی کی قیمت بھی بڑھ گئی

عالمی اور مقامی مارکیٹوں میں دو روزہ وقفے کے بعد سونے اور چاندی کی قیمتوں میں ایک بار پھر اضافہ ہوگیا۔

عالمی بلین مارکیٹ میں فی اونس سونے کی قیمت 32 ڈالر بڑھ کر 4 ہزار 98 ڈالر ہوگئی، جس کے بعد مقامی صرافہ مارکیٹ میں فی تولہ سونا 3 ہزار 200 روپے اضافے سے 4 لاکھ 32 ہزار 336 روپے کا ہوگیا۔

اسی طرح 10 گرام سونے کی قیمت 2 ہزار 744 روپے بڑھ کر 3 لاکھ 70 ہزار 658 روپے کی سطح پر پہنچ گئی۔

چاندی کی قیمتوں میں بھی اضافہ ریکارڈ کیا گیا۔ عالمی مارکیٹ میں فی اونس چاندی 55 سینٹس اضافے سے 52 ڈالر 45 سینٹس ہوگئی، جبکہ مقامی مارکیٹ میں فی تولہ چاندی 55 روپے بڑھ کر 5 ہزار 723 روپے اور 10 گرام چاندی 47 روپے اضافے سے 4 ہزار 906 روپے کی ہوگئی۔