شاعر مشرق علامہ محمد اقبال کو خراج عقیدت پیش کرتا ہوں، ڈاکٹر ذیشان نجم خان

شاعر مشرق علامہ محمد اقبال کو خراج عقیدت پیش کرتا ہوں، ڈاکٹر ذیشان نجم خان

علامہ محمد اقبال نے برصغیر کے مسلمانوں کو خود اعتمادی اور قومی وقار کا شعور عطا کیا۔یوم اقبال کے موقع پر پیغام

اسلام آباد(نمائندہ خصوصی)گلوبل ٹائمز میڈیا یورپ کے مطابق معروف سیاسی و کاروباری شخصیت انجینئر ڈاکٹر ذیشان نجم خان نے کہا کہ شاعر مشرق علامہ محمد اقبالؒ نے برصغیر کے مسلمانوں کو ،خود اعتمادی اور قومی وقار کا شعور عطا کیا۔ ان کا فلسفہ محض فرد کی بیداری نہیں بلکہ ایک خوددار، خودمختار اور باوقار قوم کی تشکیل کا پیغام ہے۔انہوں نے کہا کہ علامہ محمد اقبالؒ ہمیں سکھاتے ہیں کہ قوموں کی تقدیر حالات کی محتاج نہیں ہوتی بلکہ بلند کردار ، مضبوط ارادے اور مسلسل جدوجہد سے رقم ہوتی ہے۔معروف سیاسی و کاروباری شخصیت انجینئر ڈاکٹر ذیشان نجم خان نے یوم اقبال کے موقع پر اپنے پیغام میں کہا کہ آج ہمیں علامہ محمد اقبال کے افکار کی روشنی میں ایک ایسے پاکستان کی تعمیر کا عزم کرنا ہوگا جہاں علم ، انصاف ، خودداری اور قومی وقار ہماری اجتماعی پہچان ہوں۔ انہوں نے مزید کہا کہ علامہ محمد اقبالؒ کو خراجِ عقیدت پیش کرنے کا بہترین طریقہ ان کے پیغام کو اپنی قومی زندگی کا حصہ بنانا ہے۔