وفاقی وزیر ساجد حسین طوری کی وفد کے ہمراہ چیئرپرسن بینظیر انکم سپورٹ پروگرام سینیٹر روبینہ خالد سے ملاقات

اسلام آباد(نمائندہ خصوصی)گلوبل ٹائمز میڈیا یورپ کے مطابق سابق وفاقی وزیر ساجد حسین طوری نے پاکستان پیپلز پارٹی لیبر ونگ خیبرپختونخوا کے صوبائی صدر شاہ ذوالقرنین کے ہمراہ چیئرپرسن بینظیر انکم سپورٹ پروگرام سینیٹر روبینہ خالد سے بی آئی ایس پی ہیڈکوارٹر اسلام آباد میں ملاقات کی۔ملاقات کے دوران محنت کش طبقے کو درپیش مسائل سماجی تحفظ اور عوامی فلاح و بہبود سے متعلق مختلف امور پر تفصیلی تبادلہ خیال کیا گیا۔ساجد حسین طوری نے محنت کشوں اور کم آمدنی والے طبقات کے لیے سماجی تحفظ کے مؤثر اقدامات کی اہمیت پر زور دیتے ہوئے کہا کہ پاکستان پیپلز پارٹی ہمیشہ غریب مزدور اور محروم طبقات کے حقوق کے تحفظ کے لیے عملی اقدامات کی حمایت کرتی رہی ہے۔ملاقات میں باہمی دلچسپی کے امور اور عوامی فلاح کے حوالے سے تعاون کو مزید مؤثر بنانے پر بھی گفتگو کی گئی۔