مقررہ اہداف کے حصول کیلئے تمام وسائل بروئے کار لائے جائیں، مہراللہ بادینی

ڈپٹی کمشنر کوئٹہ کی زیرِ صدارت جاری پولیو مہم کے پہلے روز کا ایوننگ ریویو اجلاس

کوئٹہ: ڈپٹی کمشنر کوئٹہ مہراللہ بادینی کی زیرِ صدارت جاری پولیو مہم کے پہلے روز کا ایوننگ ریویو اجلاس منعقد ہوا، جس میں مہم کی پیش رفت اور کارکردگی کا تفصیلی جائزہ لیا گیا۔

اجلاس میں متعلقہ حکام نے پولیو مہم کے پہلے روز کی کارکردگی کے حوالے سے بریفنگ دی۔ اس موقع پر انکاری والدین (رفیوزلز)، نان ایکسیس ایبل (NA) بچوں، سکیورٹی انتظامات اور دیگر اہم امور کا جائزہ لیا گیا۔

اجلاس میں کم کوریج والے یونین کونسلز (UCs) کا ڈیٹا بھی پیش کیا گیا، جبکہ مہم کے دوران درپیش مسائل کے حل اور کوریج کو مزید بہتر بنانے کے لیے ضروری اقدامات پر غور کیا گیا۔

ڈپٹی کمشنر کوئٹہ مہراللہ بادینی نے متعلقہ افسران کو ہدایت کی کہ پولیو مہم کے مقررہ اہداف کے حصول کے لیے تمام دستیاب وسائل بروئے کار لائے جائیں اور کم کوریج والے علاقوں پر خصوصی توجہ دی جائے۔