پاکستان حرمین شریفین کے تحفظ کیلیے مکمل طور پر سعودی عرب کے ساتھ ہے، دفتر خارجہ

اسلام آباد: ترجمان دفتر خارجہ سجاد حیدر خان نے کہا ہے کہ پاکستان حرمین شریفین کے تحفظ کے لیے ہر سطح پر سعودی عرب کے ساتھ کھڑا ہے اور سعودی عرب کی خودمختاری و علاقائی سلامتی کی مکمل حمایت کرتا ہے۔

ہفتہ وار پریس بریفنگ میں ترجمان دفتر خارجہ نے کہا کہ پاکستان مشرق وسطیٰ میں حوثی حملوں سے پیدا ہونے والی صورتحال پر نظر رکھے ہوئے ہے۔ وزیراعظم شہباز شریف نے مکہ مکرمہ اور مقامات مقدسہ پر حملوں کی مذمت کرتے ہوئے تمام فریقین پر تحمل کا مظاہرہ کرنے پر زور دیا ہے۔

سجاد حیدر خان نے کہا کہ خطے میں امن و استحکام پاکستان، ایران اور دیگر تمام ممالک کے مفاد میں ہے، جبکہ حوثیوں کو اپنی سرگرمیاں روکنا ہوں گی۔ پاکستان خطے میں کشیدگی کم کرنے کے لیے بات چیت اور سفارت کاری کی حمایت جاری رکھے گا۔

ترجمان نے کہا کہ پاکستان مکہ معاہدے پر کاربند ہے، تاہم اس کی آپریشنل تفصیلات ظاہر نہیں کی جاسکتیں۔

انہوں نے بتایا کہ وزیراعظم شہباز شریف نے 13 ستمبر کو سعودی ولی عہد شہزادہ محمد بن سلمان سے بھی گفتگو کی تھی، جبکہ پاکستان لبنان کی خودمختاری اور علاقائی سلامتی کی بھی مکمل حمایت کرتا ہے۔

ترجمان دفتر خارجہ کے مطابق پاکستان علاقائی امن و استحکام کے لیے سفارتی کوششیں جاری رکھے ہوئے ہے اور خطے کے تمام ممالک کے ساتھ رابطے میں ہے