فیلڈ مارشل کے حوالے سے بیان پر دلی افسوس ہے، نثار کھہڑو

پاکستان پیپلز پارٹی کے سینئر رہنما نثار کھہڑو نے فیلڈ مارشل سے متعلق گزشتہ روز دیے گئے اپنے بیان پر افسوس کا اظہار کیا ہے۔

اپنے بیان میں نثار کھہڑو نے کہا کہ فیلڈ مارشل کے حوالے سے ان کا گزشتہ روز کا بیان اپنے مفہوم کے اعتبار سے غیر ارادی تھا، جس پر انہیں دلی طور پر افسوس ہے۔

انہوں نے کہا کہ وہ ادارے کے وقار کا انتہائی احترام کرتے ہیں اور اگر ان کے الفاظ سے کسی قسم کی غلط فہمی پیدا ہوئی تو انہیں اس پر افسوس ہے۔

نثار کھہڑو نے واضح کیا کہ ان کے بیان کا مقصد کسی ادارے کی توہین یا اس کے وقار کو مجروح کرنا نہیں تھا۔