ڈاکٹر نور اللہ موسیٰ خیل تمام سزاؤں سے بری، محکمہ صحت کا نوٹیفکیشن جاری

کوئٹہ: محکمہ صحت بلوچستان نے ڈاکٹر نور اللہ موسیٰ خیل (GC/B-19) پر عائد تمام سزائیں واپس لیتے ہوئے انہیں الزامات سے بری کر دیا ہے۔

محکمہ صحت بلوچستان کی جانب سے جاری نوٹیفکیشن کے مطابق ڈاکٹر نور اللہ موسیٰ خیل کی جانب سے دائر اپیل پر غور اور وزیراعلیٰ بلوچستان کی حتمی منظوری کے بعد مجاز حکام نے سزائیں واپس لینے کا فیصلہ کیا۔

نوٹیفکیشن میں کہا گیا ہے کہ 31 مارچ 2026 کے سابقہ نوٹیفکیشن کے تحت ڈاکٹر نور اللہ موسیٰ خیل پر عائد تمام سزائیں فوری طور پر واپس لے لی گئی ہیں اور انہیں ختم کردیا گیا ہے۔

محکمہ صحت کے مطابق سیکرٹری صحت بلوچستان مجیب الرحمٰن کے احکامات پر اس حوالے سے باقاعدہ اعلامیہ بھی جاری کردیا گیا ہے۔