نوشکی بس اڈہ میں فائرنگ، دکاندار جاں بحق

نوشکی: شہر کے بس اڈہ میں فائرنگ کے واقعے میں سمیع نامی دکاندار جاں بحق ہوگیا۔

ذرائع کے مطابق بس اڈہ کے علاقے میں نامعلوم افراد نے سمیع کو فائرنگ کا نشانہ بنایا، جس کے نتیجے میں وہ شدید زخمی ہوگیا۔

واقعے کی اطلاع ملتے ہی پولیس موقع پر پہنچ گئی اور علاقے کو گھیرے میں لے کر شواہد اکٹھے کرنا شروع کردیئے۔

پولیس ذرائع کے مطابق سمیع زخموں کی تاب نہ لاتے ہوئے جاں بحق ہوگیا، جس کی لاش ضروری کارروائی کے لیے اسپتال منتقل کردی گئی۔

پولیس نے واقعے کی تحقیقات شروع کردی ہیں، تاہم فائرنگ کی فوری وجہ، ملزمان کی شناخت اور واقعے کے محرکات تاحال معلوم نہیں ہوسکے۔