پیٹرولیم مصنوعات کی نئی قیمتوں کا اعلان، نوٹیفکیشن جاری

حکومت نے پیٹرولیم مصنوعات کی قیمتوں میں مزید اضافہ کردیا اور 3 ستمبر 2026 کے لیے نئی قیمتوں کا نوٹیفکیشن بھی جاری کردیا۔ Government

پیٹرولیم ڈویژن سے جاری نوٹیفکیشن میں کہا گیا ہے کہ آئل اینڈ گیس ریگولیٹری اتھارٹی (اوگرا) نے وفاقی حکومت کے پیٹرولیم مصنوعات کی قیمتوں سے متعلق میکنزم کی بنیاد پر نئی قیمتوں میں ردوبدل کردیا ہے۔

نوٹیفکیشن کے مطابق ہائی اسپیڈ ڈیزل کی فی لیٹر قیمت میں ایک روپے 11 پیسے کا اضافہ کردیا گیا ہے، اس اضافے کے بعد فی لیٹر نئی قیمت 372 روپے 3 پیسے کی سطح پر پہنچ گئی ہے۔

حکومت نے پیٹرول فی لیٹر 2 روپے 29 پیسے مہنگا کردیا ہے، جس کے بعد پیٹرول کی فی لیٹر قیمت 343 روپے 87 پیسے سے بڑھ کر 346 روپے 16 پیسے ہوگئی ہے۔

نوٹیفکیشن میں بتایا گیا ہے کہ پیٹرولیم مصنوعات کی نئی قیمتوں کا اطلاق 3 ستمبر 2026 کے لیے ہوگا۔

یاد رہے کہ حکومت نے گزشتہ روز پیٹرول کی فی لیٹر قیمت میں ایک روپے 80 پیسے اور پائی اسپیڈ ڈیزل کی قیمت میں 51 پیسے فی لیٹر اضافہ کردیا تھا، جس کے بعد قیمت بالترتیب 343 روپے 87 پیسے اور 370 روپے 92 پیسے مقرر کی تھی۔