ٹرمپ نے کینیڈا کے ساتھ ٹیرف دشمنی کی آڑ میں جھیل اونٹاریو کا نام جھیل امریکا رکھ دیا

واشنگٹن: امریکا اور کینیڈا کے درمیان تجارتی کشیدگی کے دوران امریکی صدر ڈونلڈ ٹرمپ نے جھیل اونٹاریو کا نام تبدیل کرکے ’’جھیل امریکا‘‘ رکھنے کے حکم پر دستخط کردیے۔

امریکی حکام کے مطابق یہ تبدیلی امریکی وفاقی حکومت کے سرکاری ریکارڈ اور حوالہ جات میں لاگو ہوگی۔ جھیل اونٹاریو امریکا کی ریاست نیویارک اور کینیڈا کے صوبے اونٹاریو کے درمیان واقع ہے۔

تاہم کینیڈین وزیراعظم مارک کارنی نے امریکی فیصلے کو مسترد کرتے ہوئے واضح کیا ہے کہ کینیڈا میں جھیل کا تاریخی نام ’’اونٹاریو‘‘ ہی برقرار رہے گا۔

یہ اقدام ایسے وقت سامنے آیا ہے جب دونوں ممالک کے درمیان ٹیرف اور تجارتی پالیسیوں پر اختلافات جاری ہیں۔ اس سے قبل ٹرمپ انتظامیہ نے خلیج میکسیکو کو امریکی وفاقی سطح پر ’’خلیج امریکا‘‘ کہنے کی ہدایت بھی جاری کی تھی۔

کینیڈا کا مؤقف ہے کہ امریکا کی جانب سے نام تبدیل کرنے کا فیصلہ کینیڈا میں اس جھیل کے تاریخی نام کو تبدیل نہیں کرسکتا۔