عمران خان کو دوبارہ اڈیالہ جیل منتقل کردیا گیا

عمران خان کو دوبارہ اڈیالہ جیل منتقل کردیا گیا

اسلام آباد: بانی پی ٹی آئی عمران خان کو اسلام آباد کے نجی اسپتال منتقل کرنے کے بعد واپس اڈیالہ جیل پہنچا دیا گیا۔

جیل ذرائع کے مطابق عمران خان کو رات 12 بج کر 30 منٹ پر انتہائی سخت سیکیورٹی میں اڈیالہ جیل سے اسلام آباد کے نجی اسپتال منتقل کیا گیا۔

ذرائع کا کہنا ہے کہ اسپتال میں طبی معائنے اور ضروری طبی عمل کے بعد انہیں سخت سیکیورٹی حصار میں واپس اڈیالہ جیل لایا گیا۔

بانی پی ٹی آئی صبح 6 بج کر 5 منٹ پر دوبارہ اڈیالہ جیل پہنچے، جہاں انہیں ان کے مخصوص کمپاؤنڈ میں منتقل کردیا گیا۔