کوئٹہ میں مزاحیہ ڈراما ’’تھانہ دودھ پتی‘‘ پیش، رانا عبدالروف کی شاندار اداکاری نے شائقین کے دل جیت لیے

کوئٹہ (رپورٹ: محمد حنیف جمالی) کوئٹہ میں مشعل آرٹ کے زیرِ نگرانی ایک مزاحیہ ڈراما ’’تھانہ دودھ پتی‘‘ پیش کیا گیا، جس میں فنکاروں نے اپنے اپنے کرداروں کو خوبصورتی اور مہارت کے ساتھ نبھایا۔ ڈرامے کے تمام کردار قابلِ دید رہے اور حاضرین نے فنکاروں کی اداکاری کو سراہا۔
ڈرامے میں نمایاں کردار ادا کرنے پر رانا عبدالروف کو خصوصی پذیرائی حاصل ہوئی۔ انہوں نے اپنے کردار کے ساتھ بھرپور انصاف کرتے ہوئے اپنی بہترین اداکاری، برجستہ انداز اور مزاحیہ فن سے پنڈال میں موجود شائقین کے دل جیت لیے۔
رانا عبدالروف کی جاندار پرفارمنس نے ڈرامے کو مزید دلچسپ بنا دیا، جبکہ حاضرین نے ان کی اداکاری کو خوب سراہا۔ یہ ڈراما فنکاروں کی صلاحیتوں اور مشعل آرٹ کی فنی سرگرمیوں کا ایک خوبصورت مظہر ثابت ہوا۔