ایڈووکیٹ شہریار نیشنل پیس کونسل یوتھ ونگ کے سینٹرل چیئرمین مقرر

چوہدری غلام مصطفیٰ انصاری کی منظوری کے بعد نوٹیفکیشن جاری، نوجوانوں کو بااختیار بنانے کا عزم۔

اسلام آباد(نمائندہ خصوصی)گلوبل ٹائمز میڈیا یورپ کے مطابق نیشنل پیس کونسل کا اہم فیصلہ ایڈووکیٹ شہریار سینٹرل چیئرمین یوتھ ونگ مقرر نیشنل پیس کونسل کے سینٹرل چیئرمین چوہدری غلام مصطفیٰ انصاری کی منظوری کے بعد ایڈووکیٹ شہریار کو سینٹرل چیئرمین یوتھ ونگ نیشنل پیس کونسل مقرر کر دیا گیا ہے۔اس حوالے سے جاری کردہ نوٹیفکیشن کے مطابق یہ تقرری نوجوانوں کو قومی دھارے میں فعال کردار دینے اور امن کے فروغ کے لیے کی گئی ہے۔نو منتخب سینٹرل چیئرمین یوتھ ونگ ایڈووکیٹ شہریار نے میڈیا سے گفتگو کرتے ہوئے کہا کہ وہ قیادت کے اعتماد پر ان کے شکر گزار ہیں۔ ان کا کہنا تھا کہ یوتھ کو منظم کرنا، یونیورسٹیوں اور کالجز میں نوجوانوں کو درپیش مسائل کو حل کروانا اور یوتھ ایمپاورمنٹ ان کی اولین ترجیحات میں شامل ہے۔انہوں نے مزید کہا کہ نوجوانوں کو روزمرہ درپیش مسائل کو احکامِ بالا تک پہنچا کر نوجوانوں کی مضبوط اور توانا آواز بنیں گے اور نیشنل پیس کونسل کے منشور کے مطابق ملک میں امن، بھائی چارے اور بین المذاہب ہم آہنگی کے فروغ کے لیے بھرپور کردار ادا کریں گے۔