حکومت کا آئی ایم ایف کو منانے کیلئے کاشتکاروں پر انکم ٹیکس لگانے پر غور

اسلام آباد: حکومت نے آئی ایم ایف کے مطالبات پر عملدرآمد اور زرعی انکم ٹیکس کی وصولی کے اہداف حاصل کرنے کے لیے نئے اقدامات پر غور شروع کر دیا ہے۔

ذرائع کے مطابق حکومت نے صوبوں کے تعاون سے زرعی انکم ٹیکس کے حوالے سے متبادل حکمت عملی تیار کرنا شروع کر دی ہے، جس کے تحت کاشتکاروں پر انکم ٹیکس عائد کرنے کے امکانات کا جائزہ لیا جا رہا ہے۔

ذرائع کا کہنا ہے کہ حکومت آئی ایم ایف سے کیے گئے وعدوں کی تکمیل اور ٹیکس وصولیوں میں بہتری کے لیے صوبوں کو زرعی انکم ٹیکس کے اہداف پورے کرنے کے لیے اقدامات کرنے کی ہدایت دے سکتی ہے۔

حکام کے مطابق زرعی انکم ٹیکس کی وصولی اور ٹیکس گوشواروں کے اہداف کے حصول کے لیے صوبوں کو 30 ستمبر 2026 تک کا وقت دیا جا سکتا ہے۔