کوئٹہ: اے ایس ایف کے انسپکٹر زبیر مبینہ طور پر اغوا، تاحال کوئی سراغ نہ مل سکا

کوئٹہ: بلوچستان میں امن و امان کی صورتحال کے تناظر میں ایک اور تشویشناک واقعہ سامنے آیا ہے۔ ذرائع کے مطابق ایئرپورٹس سکیورٹی فورس (ASF) کے انسپکٹر زبیر کو کوئٹہ کے ایئرپورٹ روڈ پر واقع عالمو چوک کے قریب مبینہ طور پر نامعلوم مسلح افراد نے اغوا کر لیا۔

ذرائع کا کہنا ہے کہ انسپکٹر زبیر اسلام آباد سے ذاتی کام کے سلسلے میں کوئٹہ آئے تھے۔ عالمو چوک کے قریب پہنچنے پر مبینہ طور پر نامعلوم افراد انہیں اپنے ساتھ لے گئے، جس کے بعد سے ان کا تاحال کوئی سراغ نہیں مل سکا۔

واقعے کے حوالے سے متعلقہ حکام کی جانب سے تاحال کوئی باضابطہ بیان جاری نہیں کیا گیا، جبکہ ذرائع کے مطابق واقعے کی تحقیقات جاری ہیں۔