کوئٹہ میں موسم شدید گرم، درجہ حرارت 40 ڈگری سینٹی گریڈ ریکارڈ

کوئٹہ: محکمہ موسمیات کے مطابق گزشتہ 24 گھنٹوں کے دوران کوئٹہ میں زیادہ سے زیادہ درجہ حرارت 40 ڈگری سینٹی گریڈ ریکارڈ کیا گیا، جبکہ شہر میں موسم شدید گرم اور خشک رہا۔

محکمہ موسمیات نے پیشگوئی کی ہے کہ آج بلوچستان کے بیشتر اضلاع میں موسم گرم اور خشک رہے گا، جبکہ صوبے کے وسطی اضلاع میں گرمی کی شدت مزید بڑھنے کا امکان ہے۔ شہریوں کو غیر ضروری طور پر دھوپ میں نکلنے سے گریز اور احتیاطی تدابیر اختیار کرنے کا مشورہ دیا گیا ہے۔