قلعہ سیف اللہ پولیس کی بروقت کارروائی: کوئٹہ سے چوری ہونے والی جی ایل آئی کار برآمد

کوئٹہ کے علاقے محافظ پولیس کالونی سے گزشتہ رات چوری ہونے والی ٹویوٹا کرولا جی ایل آئی (2010 ماڈل) قلعہ سیف اللہ پولیس نے صبح سویرے کارروائی کرتے ہوئے برآمد کر لی، جبکہ ملزمان کی تلاش جاری ہے۔

تفصیلات کے مطابق نامعلوم افراد نے گزشتہ رات محافظ پولیس کالونی سے گاڑی چوری کی تھی۔ واقعے کی اطلاع ملنے پر قلعہ سیف اللہ پولیس نے فوری کارروائی کی اور صبح سویرے گاڑی بحفاظت برآمد کر لی۔

گاڑی کی برآمدگی میں تھانہ قلعہ سیف اللہ کے ہیڈ محرر خیر محمد جلالزئی، شاہد خان، ولایت خان اور ان کی ٹیم نے حصہ لیا۔ ایس ایچ او عصمت اللہ اور مسلم باغ لیویز کے رسالدار میجر ہاشم کاکڑ نے بھی کارروائی میں اہم کردار ادا کیا۔

اس موقع پر قلعہ سیف اللہ کے مقامی نوجوانوں نے بھی پولیس کے ساتھ تعاون کیا اور گاڑی کی تلاش میں بھرپور حصہ لیا۔ پولیس کے مطابق چوری میں ملوث ملزمان کی تلاش جاری ہے۔