سندھ حکومت کا عید تعطیلات کا نیا نوٹیفکیشن جاری

کراچی( ) سندھ حکومت نے عیدالاضحیٰ کی تعطیلات کے حوالے سے نیا نوٹیفکیشن جاری کر دیا ہے۔ نوٹیفکیشن کے مطابق صوبے بھر میں عیدالاضحیٰ کے موقع پر 26، 27 اور 28 مئی کو عام تعطیلات ہوں گی۔

سندھ حکومت نے پہلے اعلان کردہ چار روزہ تعطیلات کو کم کرتے ہوئے اب تین روزہ چھٹیوں کا فیصلہ کیا ہے۔ تعطیلات کے دوران تمام سرکاری دفاتر، نیم سرکاری اور خودمختار ادارے بند رہیں گے، تاہم ضروری خدمات فراہم کرنے والے محکمے معمول کے مطابق کام جاری رکھیں گے۔

نوٹیفکیشن کے مطابق 29 مئی بروز جمعہ تمام سرکاری دفاتر دوبارہ کھل جائیں گے۔ دوسری جانب خیبرپختونخوا حکومت نے عیدالاضحیٰ کے موقع پر چار روزہ تعطیلات کا اعلان کر رکھا ہے۔